Alerta amarela en parte da provincia de Ourense por temperaturas próximas aos 40º

A máxima na cidade áurea será de 37º.

Por E.P. | SANTIAGO DE COMPOSTELA | 18/07/2021 | Actualizada ás 11:32

Comparte esta noticia

Toda a metade oeste da provincia de Ourense e a comarca de Valdeorras estarán na tarde deste domingo en aviso amarelo decretado por temperaturas que poderían superar os 36 graos. Segundo información dispoñible na web de Meteogalicia, esta situación estenderase desde as 15,00 da tarde ata as 21,00 da noite en Valdeorras, no sur de Ourense e na zona do Miño.

E é que Galicia continúa este domingo baixo a influencia do anticiclón centrado nas Illas Británicas, polo que se esperan ceos despexados en xeral. Na cidade de Ourense, os termómetros oscilarán entre a mínima de 17 graos e a máxima de 37.

Vista frontal da ponte romana de Ourense. EUROPA PRESS - Arquivo
Vista frontal da ponte romana de Ourense. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta