Por E.P. | SANTIAGO DE COMPOSTELA | 26/07/2021 | Actualizada ás 14:35
Un total de 18 dos 35 municipios galegos de menos de 5.000 habitantes sen plan básico municipal impulsa actualmente esta ferramenta, de forma que resta un grupo de 17 concellos que aínda non avanza na súa ordenación.
Diso informou este luns a conselleira de Medio Ambiente, Ángeles Vázquez, nun acto en Guntín no que se presentaron os traballos da segunda fase de tramitación dos plans básicos de nove municipios: Alfoz, Samos, Beariz, Lobeira, Punxín, San Cristovo de Cea, Viana do Bolo, Dozón e Guntín. Con estes traballos obterase a cartografía de preto de 100.000 hectáreas destes municipios, segundo informa a Consellería de Medio Ambiente.
A previsión é poder dispor deste material no último trimestre deste ano, un traballo técnico imprescindible para comezar coa redacción do plan básico municipal. Paralelamente, iniciarase, tamén no último trimestre, a licitación destas ferramentas. Este camiño foi tamén iniciado por Ribeira de Piquín, Riotorto, Trabada, Triacastela, Cartelle, Padrenda, Porqueira e San Xoán de Río, os cales tomaron como modelo o plan básico do Páramo, redactado e impulsado polo Goberno galego.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.