Aberta a inscrición para as bonificacións de familias numerosas nas autoestradas autonómicas

As familias numerosas galegas xa poden rexistrarse desde este venres na páxina web da concesionaria das autoestradas autonómicas para beneficiarse das bonificacións que entrarán en vigor a próxima semana, segundo informa a Consellería de Infraestruturas e Mobilidade.

A unidade familiar, que deberá estar en posesión dun título de familia numerosa en vigor, deberá cubrir o impreso de solicitude de alta no apartado da páxina web da sociedade concesionaria.

A Xunta lembra que a mediados de agosto implementará novos descontos nas autoestradas autonómicas, dirixidos ás case 27.000 familias numerosas que hai en Galicia, coa previsión de bonificacións a máis de 80.000 viaxes ao ano.

Trátase da bonificación do 100% de viaxe de volta ás familias numerosas nas autoestradas A Coruña-Carballo (AG-55) e de Val Miñor (AG-57), todos os días, excepto domingo e festivos.

"Estes descontos permitirán que unha familia que se desprace desde A Coruña ata Carballo pola AG-55 pague só 2,55, fronte aos 5,10 actuais, dado que a volta está bonificada ao 100% e sairalles gratis", apostila.

Os descontos son acumulativos polo que as familias numerosas poderán engadirlle tamén a bonificación do 50% en horario nocturno. Así, por exemplo, o membro dunha familia numerosa que se desprace ás 05,30 da madrugada e regrese ás 15,00 horas, pagará ida e volta entre A Coruña e Carballo 1,30 euros.

"Xa que á bonificación por familia numerosa do 100% da volta, suma o desconto do 50% na ida en horario nocturno", explica o departamento autonómico. O sistema vinculará cada familia a un dispositivo de telepeaxe e a un vehículo para aplicar a bonificación correspondente.

Imaxe de recurso dunha estrada, autoestrada.. @TRANSIT