Morre Francisco Pillado, un dos grandes dramaturgos e activistas culturais galegos

Era tamén editor e impulsor de Edicións Laiovento.

Por Galicia Confidencial | A Coruña | 12/08/2021 | Actualizada ás 19:30

Comparte esta noticia

Un dos principais dramaturgos de Galicia, Francisco Pillado, faleceu este xoves aos 80 anos de idade. Pillado foi promotor de varios grupos de teatro galegos, empezando polo coruñés O Facho, creado en 1965, e foi presidente da Escola Dramática Galega.

Francisco Pillado
Francisco Pillado | Fonte: Galipedia

Durante a tarde do xoves foron moitas as persoas e colectivos que reaccionaron o seu falecemento. Así, a través das redes sociais, a Asociación de Escritoras e Escritores en Lingua Galega, da que era membro, a Mesa pola Normalización Lingüística ou o escritor e ex deputado de En Marea, Miguel Anxo Fernán Vello, expresaron o seu pesar.

Pillado tamén foi un prolixo editor e director literario de Edicións Laiovento, e tamén doutras revistas e coleccións. Tamén foi parte do consello de administración da CRTVG. Entre as súas obras, ademais de pezas de teatro, atópanse tamén catro ensaios e numerosas traducións de textos dramáticos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta