As residencias de maiores galegas suman aínda un centenar de contaxios

Os casos de covid nas residencias de maiores de Galicia non baixan do centenar, a pesar da negativización dunha infección na residencia de Someray, en Pontevedra. Tal e como informou a Consellería de Sanidade, aínda quedan activos 28 casos na residencia García Hermanos de Betanzos, 50 na das Gándaras de Lugo, seis en Val de Monterrei, e cinco na de Santa Marta de Vigo.

A residencia de Someray, onde se negativizou unha das infeccións, rexistra aínda catro infeccións activas; do mesmo xeito que a residencia de maiores de Ribadeo. Os centros Domusvi Matogrande, na Coruña, o de Santo Estebo de Perlío e o Domusvi de Vigo, contan tamén cun caso cada un.

RESIDENCIAS DE DISCAPACIDADE

En canto ás infeccións nas residencias de discapacidade, permanecen activas 57, das que 48 se atopan no CAPD Redondela e nove no Fogar e Clínica de San Rafael, en Vigo.

Dous anciáns pasean fronte á residencia das Gándaras, a maior de Lugo, despois de contabilizar un total de 49 positivos, a 17 de agosto de 2021 | Fonte: Carlos Castro - Europa Press.