Por E.P. | SANTIAGO DE COMPOSTELA | 26/08/2021 | Actualizada ás 11:33
Un lume no concello da Estrada calcinou un almacén de herba seca, en concreto na parroquia de Berres segundo informa o servizo de emerxencias 112.
Foi un particular quen, pasadas o dez e media da noite, informou ao 112 Galicia de que ardía un almacén de herba seca que estaba, aproximadamente, a uns 400 metros das vivendas do lugar de Porto.
Deseguido, outro particular alertaba do mesmo e sinalaba ademais que no interior non había persoas nin maquinaria, tan só herba seca. Con estes datos, desde o CIAE 112 Galicia deuse aviso aos Bombeiros do Deza, ao GES da Estrada, á Policía Local e á Garda Civil.
Segundo confirmaron os bombeiros aos xestores do 112 Galicia, tratábase dunha nave de dous pisos na que se almacenaba moita herba. Os servizos de emerxencia deron por controlado o lume e queda no punto unha motobomba rural do concello para evitar que o lume se reavive.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.