O Google Maps da Gallaecia romana

Pelagios (Enable Linked Ancient Geodata In Open Systems)  é unha iniciativa internacional, -financiada sobre todo por universidades e institucións británicas e norteamericanas- que busca  localizar " os lugares do noso pasado a través dos documentos que se refiren a el". O seu obxectivo é facelar as investigacións dos arqueólogos e historiadores pero tamén divulgar a historia do mundo antiguo entre o público en xeral.

Esta iniciativa xa publicou en liña un mapa de Europa, cunha interface similar a Google Maps, coas localizacións recollidas nas fontes clásicas, gregas e  romanas. O resultado é moi curioso, pois permite albiscar, por exemplo, como se organizaba a administración de zonas como a Gallaecia Romana.