3 anos de Operación Orquesta e, por agora, ningún resultado
A Unidade de Delitos Económicos e Fiscais detivo aos alcaldes populares de Fisterra e Mazaricos e o independente de Cee.
Por Ubaldo Cerqueiro | Cee | 31/01/2014 | Actualizada ás 14:00
Este 31 de xaneiro cúmprense 3 anos do comezo da “Operación Orquesta”. Os furgóns da Policía Nacional tomaron o Concello de Cee e, entón, sucederonse as reaccións inverosímiles dos políticos afectados e unha ferveza de declaracións públicas contraditorias.
Ese día, axentes da Unidade de Delitos Económicos e Fiscais detiveron aos alcaldes de Cee, Fisterra e Mazaricos, na Costa da Morte. Entón, o PPdeG gobernaba en maioría en Fisterra (José Manuel Traba) e Mazaricos (José Manuel Santos Manerio) e os Independentes por Cee (Ramón Vigo) nesta vila, co apoio do PSOE.
Tras máis de 25 imputados, 0 dimisións, varios alcaldes implicados que saíron reelixidos mesmo doblando votos, moitas explicacións, moita adxudicacións dubidosas, moita caixa B por xustificar, un par de xuíces ao cargo… por agora, non hai resultado. E iso, que das gravacións realizadas a moitos dos políticos implicasos se desprenden conductas presuntamente irregulares.
O pasado mes de outubro sabiase que o xuizo oral estaba en camiño, a través da Audiencia Provincial da Coruña, pero dende entón non houbo ningunha nova máis.
Curiosamente, a efeméride coincide co levantamento do sumario parcial do caso Pokemon, outro megaproceso iniciado pola xuíza Pilar de Lara que levou aos xulgados de Lugo a numerosos políticos do PSdeG, PPdeG e BNG.
