Por Europa Press / Redacción | A CORUÑA | 29/09/2021 | Actualizada ás 11:24
Un subtenente do Exército de Terra que escondeu durante anos centenares de armas no seu domicilio aceptou unha pena de dous anos e seis meses de prisión, tras o acordo entre a defensa e o Ministerio Fiscal, no xuízo celebrado este mércores na Audiencia Provincial da Coruña.
A Fiscalía pedía oito de cárcere para o acusado, pero finalmente a condena reduciuse ao presentar o procesado un trastorno psíquico. Ademais da pena de prisión, o home foi inhabilitado durante seis anos para posuír licenza de armas.
Segundo recolle o escrito do Ministerio Público, o arsenal foi descuberto no marco dun rexistro ligado a unha investigación á que o procesado estaba vinculado. Nunha entrada nos dous domicilios do acusado, unha casa en Vilalba (Lugo) e na súa habitación na residencia militar da Coruña, achouse o arsenal.
As armas estaban escondidas en dobres fondos de armarios e en ocos deseñados para ocultar rifles, pistolas e munición que, durante anos, este subtenente foi acumulando, segundo sostén o Ministerio Fiscal no seu escrito.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.