Por E.P. | Santiago de Compostela | 04/10/2021 | Actualizada ás 17:00
A aeroliña franquiciada de Iberia, Air Nostrum, conectará Santiago de Compostela con Canarias durante o período do Nadal, uns voos para os que xa puxo á venda os billetes.
En concreto, a compañía programou do 18 de decembro ao 9 de xaneiro conexións que permitirán voar desde Santiago de Compostela a Gran Canaria e Tenerife.
Air Nostrum detalla que a ruta entre o aeroporto galego e o tinerfeño operarase o sábado 18, xoves 23 e xoves 30 de decembro, así como o domingo 2 e xoves 6 de xaneiro.
A conexión de Santiago con Gran Canaria operarase os seguintes días: sábado 18, mércores 22, luns 27 e xoves 30 de decembro; e mércores 5 e domingo 9 de xaneiro.
As dúas rutas estarán atendidas por reactores CRJ 1000, de cen prazas, que despegarán dos aeroportos canarios pola mañá e do galego á primeira hora da tarde.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.