A alcaldesa da Coruña, sobre o programa 'MasterChef': "Non vou entrar en polémicas televisivas"
Inés Rey valora que "se vise A Coruña en todo o seu potencial turistico, cultural e gastronómico".
- A Xunta investiga se 'MasterChef' usou marisco ilegal no programa gravado na Coruña
- O suposto uso de marisco ilegal volve poñer o programa de MasterChef na Coruña no foco da polémica
Por Europa Press / Redacción | A Coruña | 11/10/2021 | Actualizada ás 17:52
A alcaldesa da Coruña, Inés Rey, asegurou que non vai entrar en "polémicas televisivas", ao ser preguntada polas xurdidas en torno ao programa de 'MasterChef' rodado na Coruña.
A preguntas dos xornalistas, dixo que non o vai a facer "máis aló do que manifestei", despois de que nun programa de radio asegurase, sobre a imitación do galego que se fixo no programa, que sentiu "vergoña allea".Así, eludiu seguir profundando neste tema.
"É un programa no que máis de dous millóns de persoas puideron ver esta cidade que era o obxectivo, que se vise A Coruña en todo o seu potencial turistico, cultural e gastronómico", sinalou respecto ao contido vinculado coa propia cidade.
Polo suposto uso de marisco ilegal, a Xunta confirmou que iniciou xestións para "aclarar" este feito. Antes, usuarios de redes sociais, entre eles representantes políticos, escritores e portavoces do movemento asociativo, criticaron a imitación do galego que se fixo.
