Por E.P. | Santiago de Compostela | 08/11/2021 | Actualizada ás 14:25
A Delegación do Goberno en Galicia activou o Plan Invernal de Estradas que desprega un cento de quitaneves para atender os 2.500 quilómetros de vías do Estado en Galicia. O delegado do Goberno, José Miñones, presidiu este luns a firma do protocolo que activa o citado plan. O obxectivo é, en caso de condicións meteorolóxicas adversas, reducir en todo o posible o número de tramos con restricións ao tráfico e evitar as retencións de vehículos, ou no seu caso, minimizar a súa duración.
No protocolo, establécese a organización e os procedementos de actuación dos servizos, medios e recursos da Administración Xeral do Estado dispoñibles no ámbito de Galicia que, ante a predición de precipitacións en forma de neve ou outras situacións meteorolóxicas extremas, resulte necesario mobilizar para asegurar a vialidad de circulación na Rede de Estradas do Estado.
En total, disporanse de 100 camións quitaneves, 3.257.000 litros de salmoira e 20.400 toneladas de sal. Estas dúas últimas cantidades corresponden ás que está actualmente almacenadas en silos, é dicir, as provisións iniciais que poderán ser aumentados a medida que discorra o inverno.
Segundo informa a Delegación do Goberno, "mantéñense as cifras do despregamento do pasado ano, xa que nestes meses non se puxeron en servizo novos tramos de estradas estatais".
En canto ao persoal implicado, o Ministerio de Transportes, Mobilidade e Axenda Urbana, a través da Demarcación de Estradas do Estado en Galicia, conta con 348 persoas de mantemento dispoñibles das que 186 son condutores especializados en quitaneves; 42, encargados e técnicos; e 120, operarios.
A eles poderanse sumar, cando sexa preciso, os 900 axentes da Agrupación de Tráfico da Garda Civil e o persoal da Dirección Xeral de Tráfico na Comunidade.
COLABORACIÓN COA AEMET
Como novidade este ano incrementarase a colaboración coa Axencia Estatal de Meteoroloxía (AEMET) no seguimento dos episodios de meteroloxía adversa, que permite os avances tecnolóxicos que incorporou o organismo estatal.
Desta forma o dispositivo poderá dispor de datos en tempo real da evolución das predicións "para poder tomar decisións operativas con máis rapidez e efectividade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.