Feijóo participa en Bruxelas nunha mesa sobre o Xacobeo e reúnese con varias autoridades europeas
Prevé encontros coa vicepresidenta para a Democracia e a Demografía da CE, co comisario de Emprego e con Josep Borrell.
Por Europa Press / Redacción | Compostela | 16/11/2021 | Actualizada ás 10:29
O presidente da Xunta, Alberto Núñez Feijóo, terá este martes unha xornada de traballo en Bruxelas no transcurso da cal participará nunha mesa redonda sobre o Xacobeo, que ten lugar na Fundación Galicia Europa, e reunirase con varias autoridades europeas.
A axenda de Feijóo en Bruxelas arrincou ás 9,00 horas, cando mantivo unha reunión co director xeral de Política Rexional e Urbana da Comisión Europea (CE), Marc Lemaitre.
Ás 11,15 horas, participará na mesa redonda 'Xacobeo 21-22: un modelo sustentable e intelixente de redescubrir Europa a través do Camiño de Santiago', na Fundación Galicia Europa. Posteriormente, reunirase coa vicepresidenta para a Democracia e a Demografía da CE, Dubravka Suica.
ENCONTRO CON JOSEP BORRELL
Ás 16,00 horas, o titular da Xunta manterá un encontro co comisario de Emprego e Dereitos Sociais da CE, Nicolas Schmit.
Finalmente, pechará a súa axenda cun encontro ás 17,00 horas co representante da UE para Asuntos Exteriores e Política de Seguridade e vicepresidente da Comisión Europea, Josep Borrell.
