Detidas dúas mulleres como presuntas autoras do crime da moza de 29 anos no Barco de Valdeorras
As dilixencias do caso atópanse baixo segredo de sumario.
Por Europa Press / Redacción | SANTIAGO DE COMPOSTELA | 16/11/2021 | Actualizada ás 18:51
A Garda Civil detivo a dúas mulleres como presuntas autoras do crime dunha moza de 29 anos de nacionalidade paraguaia que morreu de forma violenta o pasado 10 de setembro na localidade ourensá do Barco de Valdeorras.
Segundo trasladou o Instituto Armado este martes, as investigacións abertas despois de que a autopsia confirmase a morte violenta de Leticia Mangali Sanabria derivou no arresto destas dúas persoas, de nacionalidade nixeriana e brasileira, respectivamente.
Ambas as mulleres foron arrestadas como presuntas autoras da morte da moza paraguaia, localizada sen vida nun piso da rúa do Conde de Fenosa de O Barco o pasado 10 de setembro.
A unidade orgánica da Policía Xudicial da Comandancia da Guradia Civil de Ourense foi a encargada de pilotar a investigación, que concluíu que as agora arrestadas eran as autoras do crime.
Unha vez identificadas, fontes da investigación apuntan que as detencións se produciron na xornada deste martes. As dilixencias do caso, instruído polo xulgado número uno de O Barco, atópanse baixo segredo de sumario.
