Búscase técnico en arquitectura web: o sector máis "saturado" polo salto dixital da pandemia

Catro de cada dez empresas recoñecen demoras na súa dixitalización, e os equipos responsables de desenvolvela manifestan queixas pola alta carga de traballo.

Por Galicia Confidencial | SANTIAGO DE COMPOSTELA | 27/11/2021 | Actualizada ás 09:00

Comparte esta noticia

Entre as consecuencias positivas da pandemia está o impulso á dixitalización e de tecnoloxías innovadoras que boa parte das grandes e pequenas empresas tiveron que lanzar como consecuencia, principalmente, do confinamento; un tren ao que tamén se subiu a administración pública. Porén, o proceso desenvólvese paseniño e, nalgúns casos, con demora. 

Imaxe de recurso do uso dun computador portátil.. CONCELLO DE COLMENAR VIEJO
Imaxe de recurso do uso dun computador portátil.. CONCELLO DE COLMENAR VIEJO

Esa é a conclusión do estudo desenvolto pola empresa Couchbase sobre o sector empresarial, dentro do cal un 40% das entidades recoñece ir "con atraso"  nos seus proxectos de transformación dixital. O que é máis: de acordo co mesmo informe, case a metade dos equipos de desenvolvemento responsables de levar a cabo esta transformación manifesta queixas pola alta carga de traballo e os curtos prazos de entrega.

Esta situación de transformación, apuntan dende a empresa, mostrou a presión que sofren os arquitectos tecnolóxicos para conseguir que as organizacións funcionen a pleno rendemento. En concreto, un 49% dos equipos de desenvolvemento dixital manifesta as queixas antes apuntadas. "Esta presión provocou un alto esgotamento entre os equipos de desenvolvemento, o que a miúdo deu lugar a un maior nivel de rotación dos empregados", aseguran.

“Os técnicos cualificados son indispensables para as organizacións. As compañías deben de asegurarse de que conten co apoio adecuado e coas tecnoloxías apropiadas para que sexan o máis áxiles e eficientes posible, evitando así o esgotamento do equipo”, afirman dende Couchbase. A esta problemática únese a falta de fondos, recursos e profesionais cualificados ou a dependencia xerada ao redor de tecnoloxía herdada, que está a afectar afectou á creación e o desenvolvemento de novos proxectos dixitais. De igual maneira, o 40% dos enquisados afirma que os seus equipos de desenvolvemento van con atraso nos seus proxectos actuais.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta