A Xunta amplía a corentena pola praga dos cítricos a 203 concellos galegos
A gran maioría deles están situados na Coruña e Pontevedra.
Por Europa Press / Redacción | SANTIAGO DE COMPOSTELA | 25/11/2021 | Actualizada ás 18:39
A Xunta ampliou á práctica totalidade das provincias de Pontevedra e A Coruña, ao norte de Lugo e a algúns de Ourense a zona de corentena pola praga da Trioza erytreae Do Guercio, máis coñecida a psila africana dos cítricos.
A ampliación da zona de corentena sae publicada este xoves no Diario Oficial de Galicia (DOG), que recolle unha orde da Consellería do Medio Rural. En total, a medida afecta a un total de 203 concellos das catro provincias galegas, a gran maioría situados na Coruña e Pontevedra.
De feito, os 93 municipios da provincia da Coruña están declarados zona de corentena pola incidencia deste parasito, orixinario de África e que foi detectado por primeira vez en Galicia no ano 2014.
En Lugo hai 24 municipios afectados pola corentena, aínda que só nunha decena a medida está decretada para todo o termo municipal, mentres que no resto está focalizada en determinadas parroquias. Pola súa banda, en Ourense son 22 os concellos afectados --todos das comarcas do Carbilliño, O Ribeiro e Terra de Celanova-- e en Pontevedra, 59.
