Xulgan a un home por tentar matar a outro nas inmediacións dunha discoteca en Carballo

A sección segunda da Audiencia Provincial da Coruña celebrará o xoves, día 9, o xuízo contra un home acusado de tentar matar a unha persoa nas inmediacións dunha discoteca, segundo informa o Tribunal Superior de Xustiza de Galicia (TSXG).

Por estes feitos, ocorridos en xullo de 2020, e por un homicidio en grao de tentativa, o Ministerio Público solicita unha pena de nove anos de cárcere. Segundo recolle no seu escrito de cualificación, producíronse sobre as sete da mañá cando se atopaban nas inmediacións dunha discoteca de Carballo.

Alí, o procesado iniciou coa vítima unha discusión, que derivou nun enfrontamento físico durante o cal "con ánimo de atentar contra a súa vida, acoitelouno, cravándolle en dúas ocasións unha arma branca, deixándoo tendido no chan e dándose inmediatamente á fuga".

Como consecuencia dos feitos, o agredido sufriu un traumatismo torácico e tivo que estar ingresado na UCI.

Mocidade concentrada ante unha discoteca en Santiago | Fonte: GC