Por Europa Press / Redacción | SANTIAGO DE COMPOSTELA | 08/12/2021 | Actualizada ás 17:27
Unha fronte cálida afectará a Galicia este xoves desde as primeiras horas da mañá, deixando ceos cubertos e choivas febles, segundo Meteogalicia. Con todo, cara á noite chegará unha fronte fría que xa deixará choivas máis intensas. As temperaturas ascenderán, de maneira máis acusada nos valores máximos.
Mentres, os ventos soprarán de compoñente oeste con intervalos fortes ao longo do día no litoral e zonas altas do interior, informa. En canto ás temperaturas, na Coruña oscilarán entre os 11 e 14 graos; en Ferrol, entre os 10 e os 14; en Lugo entre os 7 e 12 graos; en Ourense, entre 8 graos e 15; en Pontevedra, entre 9 e 13; en Santiago de Compostela, entre 8 e 13 e en Vigo, entre 12 e 14 graos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.