Por E.P. | A CORUÑA | 26/12/2021 | Actualizada ás 13:24
Un total de 65 distribuidores e 15 restaurantes xa solicitaron o selo de 'Peixe da Lonxa da Coruña', co que o Concello pretende fortalecer ao sector pesqueiro coruñés e fomentar a aposta polo produto de proximidade.
A maioría dos profesionais que solicitaron o distintivo son da propia cidade, aínda que tamén hai peticións doutros puntos de Galicia, xa que o requisito para poder telo é garantir que os exemplares que se venden saen da lonxa coruñesa.
No caso dos locais de hostalaría, todos da Coruña, débese demostrar que se utilizan exemplares saídos da lonxa para elaborar os seus pratos.
As incorporacións ao selo son o resultado dunha "intensa campaña de captación" posta en marcha polo Concello desde o lanzamento do distintivo o 3 de decembro na praza de Lugo. O goberno local espera que a iniciativa repercuta positivamente na economía local, así como que permita á clientela coñecer a orixe do produto que están a consumir.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.