Falecen catro persoas que foran diagnosticadas previamente con COVID

Catro falecidos na xornada do mércores elevan a 2.764 as persoas que foron rexistradas como vítimas mortais polo coronavirus en Galicia.

Trátase, segundo informou a Consellería de Sanidade na xornada deste xoves, de tres homes e unha muller, todos eles con patoloxías previas.

En concreto, unha muller de 93 anos, falecida no Hospital Modelo Belén da Coruña. No caso do complexo hospitalario universitario de Santiago (CHUS), rexistrouse o falecemento dun home de 78 anos.

A estas mortes na xornada do mércores, súmanse as doutros dous homes, ambos no complexo hospitalario universitario de Vigo (CHUVI), un de 73 anos e outro de 86 anos.

Varias sanitarias preparan a terceira dose da vacina contra o Covid-19, a 19 de novembro de 2021, en Pontevedra. Beatriz Ciscar - Europa Press