Falecen sete persoas que foran diagnosticadas previamente con COVID
Todas elas padecían patoloxías previas.
Por Europa Press / Redacción | SANTIAGO DE COMPOSTELA | 20/01/2022 | Actualizada ás 20:55
A morte doutras sete persoas, catro homes e tres mulleres, que fora diagnosticadas coa covid-19 elevou as vítimas da pandemia en Galicia a un total de 2.868.
Segundo informou a Consellería de Sanidade, cinco destes óbitos rexistráronse na xornada do mércores. En concreto, un home de 94 anos e unha muller de 89 faleceron no Complexo Hospitalario Universitario da Coruña (CHUAC).
Ademais, outro home de 93 anos perdeu a vida no Complexo Hospitalario Universitario de Santiago (CHUS); un home de 94, no Complexo Hospitalario Universitario de Ourense (CHUO); e unha muller de 92, no Hospital Juan Cardona de Ferrol.
Este xoves faleceron no Complexo Hospitalario Universitario de Vigo (CHUVI) unha muller de 72 anos e un home de 95 que procedía da Residencia Virxe de Guadalupe de Mos.
