Convocados tres días de folga na industria de conservas de peixe para o mes de marzo
Os sindicatos teñen previsto entre a manifestación do 19 de febreiro e o inicio da folga que arrincarán o 14 de marzo, pór en marcha outras medidas de presión.
Por E.P. | Vigo | 10/02/2022 | Actualizada ás 15:28
A Federación de Industria, Construción e Agro de UGT, CC.OO. de Industria, e CIG-FGAMT, acordaron tras a reunión que mantiveron este mércores convocar máis días de folga en marzo na industria de conservas de peixe para conseguir un convenio digno.
En concreto, neste encontro concretáronse as medidas de presión que consideran necesarias para lograr que a patronal do sector "reflexione" para que se poida alcanzar un acordo satisfactorio no convenio colectivo do sector, segundo informou UGT nun comunicado.
Neste sentido, CC.OO. de Industria, a Federación de Industria, Construción e Agro de UGT e CIG-FGAMT, acordaron realizar unha gran manifestación en Boiro o próximo día 19 de febreiro ás 12.00 horas.
Por outra banda, acordaron a convocatoria de tres días máis de folga, sendo estes o 14, 16 e 18 de marzo, que se suman aos paros que se deron en febreiro.
Ademais, os sindicatos teñen previsto entre a manifestación do 19 de febreiro e o inicio da folga que arrincarán o 14 de marzo, pór en marcha outras medidas de presión como a realización de concentracións nas portas dos supermercados.
