Por Europa Press / Redacción | SANTIAGO DE COMPOSTELA | 26/02/2022 | Actualizada ás 11:42
O Auditorio Municipal de Ribeira acolleu este venres a estrea da miniserie 'Operación Marea Negra', sobre o primeiro narcosubmarino interceptado en Europa, o cal en 2019 atravesou o océano Atlántico con tres toneladas de cocaína ata a ría de Aldán.
Esta produción de Amazon está dirixida por Daniel Calparsoro e conta co actor Álex González, así como cun reparto de intérpretes galegos como Nerea Barros, Luís Zahera, Xosé Barato, Miquel Ínsua e Manuel Manquiña, entre outros.
A este pase especial acudiu o conselleiro de Cultura, Román Rodríguez, xunto ao equipo desta coprodución galego-portuguesa, encabezada pola compañía compostelá Ficción Producións, que conta cunha subvención de 250.000 euros da Xunta.
A plataforma emite desde este venres os catro episodios en exclusiva para España, Portugal e Brasil. Conta tamén coa implicación da TVG e outras televisións autonómicas. A serie foi gravada en diversas localizacións galegas, entre as que están Ribeira, A Illa de Arousa e Santiago.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.