Deteñen dúas persoas por agresións en Ribeira

Dúas persoas foron detidas pola Policía Nacional acusadas de protagonizar dúas agresións tras iniciar altercados en locais de lecer nocturno do municipió coruñés de Ribeira.

Segundo informou este xoves a Comisaría de Ribeira, ambos están acusados de senllos delitos de lesións por altercados rexistrados nos dous últimos fins de semana na zona de lecer nocturno desta localidade da comarca do Barbanza.

O primeiro arrestado é o suposto responsable de agredir a unha moza na cara cun vaso. A vítima sufriu cortes na cara e o pescozo e tivo que recibir varios puntos de sutura tras ser evacuada ao Hospital do Barbanza.

A segunda detención corresponde a outro mozo que tamén protagonizou unha agresión nun local nocturno. Neste caso, propinou varias puñadas na cara a outro home, ao que causou distintas lesións na fronte e unha orella.

En ambos os casos, unha vez identificados polos axentes da Policía Nacional, foron detidos por senllos delitos de lesións e foron postos a disposición do Xulgado de Instrución de Garda de Ribeira

Patrulla da Policía Nacional. POLICIA NACIONAL