Por Europa Press / Redacción | A Coruña | 03/03/2022 | Actualizada ás 18:29
O presidente do comité de empresa de Alu Ibérica A Coruña, Juan Carlos López Corbacho, trasladou que estudarán a proposta que deu a coñecer Aloca este xoves pola que busca, mediante "un acordo global", acabar cos procedementos xudiciais vinculados ás plantas da Coruña e Avilés, aínda que a tachou de "chantaxe".
Corbacho matizou que se trata dunha proposta, non dun acordo, e lamentou a "prepotencia" coa que, di, actúa a multinacional, "que fai o que lle peta porque o Goberno llo permite".
Apuntou a compañía como "a gran culpable", dado que "eles licitaron a quen entraron na planta". "Teriamos que ter unha planta moderna e despreocupáronse", criticou. Aseverou ademais que os traballadores non van "blanquear calquera delito que puidese acometer a multinacional sen máis", que "debería asumir todas as consecuencias".
Este mesmo xoves, día no que Alcoa fixo pública esta proposta para acabar cos procedementos legais das súas antigas plantas galega e astuariana, os traballadores manifestáronse na Coruña para, "unha vez máis, pedir unha solución para a fábrica" e "a intervención por parte da SEPI".
Respecto da proposta da multinacional, a compañía espera que "permita unha solución rápida e razoable" para todas as partes involucradas.
A PROPOSTA DA MULTINACIONAL
A proposta exposta está condicionada a que se alcance un acordo global que sexa aceptado por todas as partes interesadas. Para logralo, Alcoa e as dúas administracións concursais de Alu Ibérica Avilés e Alu Ibérica A Coruña evan semanas negociando o acordo de despedimento masivo que deberá ser aprobado polos traballadores das dúas empresas.
"Un acordo global beneficiaría a todas as partes e, no caso de Alcoa, permitiría centrar os seus esforzos no seu negocio actual en España", sinalaron desde a aluminera.
As plantas foron vendidas a Parter en 2019, nun proceso avalado polo Goberno español e apoiado polos representantes dos traballadores.
"Alcoa sempre actuou con total transparencia e de conformidade coa lexislación española no proceso de venda. Con todo, as accións dos posteriores propietarios tiveron un impacto negativo nos exempregados que permanecen nas plantas, o que resultou en varios procedementos xudiciais", aseguraron desde Alcoa.
En calquera caso, Alcoa ten a intención de continuar adoptando todas as medidas legais que procedan contra os compradores das plantas, xa que son as súas actuacións as que crearon a situación prexudicial que afrontan Alcoa e os traballadores. Se non se logra un acordo, a compañía cre firmemente que o seu recurso actual ante o Tribunal Supremo debería prosperar.
Alcoa confía na "colaboración" coas partes interesadas e en que se manteña un "diálogo construtivo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.