Por Europa Press / Redacción | A Coruña | 15/03/2022 | Actualizada ás 17:15
O Xulgado do Social número 6 da Coruña recoñeceu a un coruñés o complemento de maternidade na súa pensión desde a data de xubilación, segundo informa o despacho Unive Avogados que levou o caso.
No seu fallo, estima as pretensións do denunciante e condena ao INSS e á Tesouraría Xeral da Seguridade Social a abonar a prestación coas melloras e revalorizacións que procedan.
O despacho que levou o caso remarca que a estimación da demanda supón un incremento dun 10% sobre a contía inicial da pensión, por ser pai de tres fillos.
A maxistrada aborda a controversia da retroactividade e confirma que ten dereito a percibir o complemento de maternidade na súa pensión desde a data en que accedeu á súa prestación de xubilación sen limitación algunha, na liña da recente doutrina do Tribunal Supremo.
Unive Avogados Santiago de Compostela lembra, tras este caso, que aqueles homes que soliciten que se lles recoñeza o complemento de maternidade na súa pensión contributiva de xubilación ordinaria, anticipada forzosa, viuvez ou incapacidade permanente, que accedesen á mesma entre o 1 de xaneiro de 2016 e o 3 de febreiro de 2021 e fosen pais de dous ou máis fillos, "agora verán recoñecido o complemento con efectos retroactivos".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.