Abogados Cristianos perde a batalla por manter a cruz falanxista da igrexa de Vilagarcía

A xuíza indica que esta fundación carece de lexitimidade para solicitar esta medida.

Por Europa Press / Redacción | PONTEVEDRA | 22/03/2022 | Actualizada ás 17:57

Comparte esta noticia

O xulgado do Contencioso-Administrativo número 2 de Pontevedra ditou auto desestimando a solicitude da Fundación 'Abogados Cristianos' de paralizar de forma cautelar e urxente os traballos de retirada dunha cruz falanxista na igrexa de Santa Eulalia, en Vilagarcía de Arousa.

Na súa resolución, a xuíza indica que esta fundación carece de lexitimidade para solicitar esta medida, porque "nin é titular do dereito á liberdade relixiosa nin invoca ou acredita un dereito de acción pública urbanística para poder interesar nada en relación coas decisións que afectan o patrimonio da igrexa".

Ademais, tras lembrar que hai un acordo co arcebispado de Santiago e o visto e prace de Patrimonio da Xunta para esa retirada, sinala que a recorrente non acreditou "a existencia dos danos irreparables aos que fai referencia, pois non debe de esquecerse que a cruz se atopa na fachada da igrexa, a cal pertence ao patrimonio eclesiástico".

A Igrexa de Santa Eulalia, en Vilagarcía de Arousa
A Igrexa de Santa Eulalia, en Vilagarcía de Arousa | Fonte: google maps

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta