Ourense investigará unha subcontrata cunha empresa da muller de Baltar
O PP apoiou o venres unha moción pola que o Concello de Ourense investigará unha concesión á muller do presidente da Deputación, José Manuel Baltar. Trátase da cafetería La Central, situada no centro da capital das Burgas.
Por Galicia Confidencial | Ourense | 06/06/2014 | Actualizada ás 20:18
Os conservadores non dan creto as acusacións dos outros partidos, que cualifican de "fantasía". O concelleiro do PP Aurelio Gómez dixo no pleno que a denuncia procedía dos ciumes doutros hosteleiros por non gañaren o concurso público.
Os nacionalistas do BNG, autores da moción a debate, alertaron que a cafetería anexa ao Hotel San Martín está a ser xestionada por unha empresa na que participa a muller do presidente da Deputación. Na súa opinión, na cafetería tamén se fixeron obras non permitidas na cesión deste espazo público.
De "mentireiros" cualificou ao alcade (PSdeG) e ao voceiro do PPdeG o líder de Democracia Ourensana. Gonzalo Pérez Jacome esgrimiu un ticket da cafetería en cuestión, a empresa titular da cafetería non era a que figuraba na factura. Dende Democracia Ourensano tamén denunciaron que a concesión non permitía tal cesión da cafetaría a outra empresa.
