Galicia duplica a incidencia media do Estado tras sumar outros 900 casos activos
As hospitalizacións sitúanse en 695, con 23 persoas en UCI.
- Recomendan o uso de máscara en ascensores e espazos comúns dos edificios
- Comesaña celebra que os datos da covid sigan "contidos" tras a retirada da máscara en interiores
- Juan Gestal: "Hai que corrixir deficiencias para estar en mellores condicións fronte a novas pandemias"
Por Europa Press / Redacción | SANTIAGO DE COMPOSTELA | 27/04/2022 | Actualizada ás 12:05
Os contaxios por covid-19 seguen en aumento en Galicia ata alcanzar os 1.725 en 24 horas -- 242 máis que a xornada anterior-- con 15.743 infeccións activas -- 945 máis--. A taxa de positividade das probas realizadas sitúase, mentres, no 28,8%. Así se recolle nos datos da Consellería de Sanidade con rexistros ata as 18,00 horas do martes e recollidos por Europa Press. De acordo cos mesmos, as hospitalizacións sitúanse en 695 --dúas menos--, deles 672 en unidades convencionais e 23 en UCI. Excepto na da Coruña-Cee, Vigo e Ourense, que aumentan, e na de Pontevedra, que se manteñen, no resto descenden.
En concreto na da Coruña-Cee, hai 172 ingresados, dez máis respecto dos datos do luns, con 170 ingresados en planta e dúas en UCI. En Vigo son 84 os pacientes, deles 81 en unidades convencionais e tres en críticos, mentres que en Pontevedra-O Salnés seguen en 104, 102 en planta e dúas en UCI.
Na de Ferrol, sitúanse en 62, con 61 en planta e un en críticos; mintas que na de Santiago-Barbanza hai 94, con 85 en unidades convencionais e tres en críticos. No caso de Ourense-Verín-O Barco de Valdeorras, ten 113 pacientes ingresados, 110 en planta e tres en coidados intensivos e Lugo-A Mariña-Monforte ten 72, con 63 en unidades convencionais e nove en UCI.
SOBEN OS CASOS ACTIVOS
Os casos activos ascenderon na última xornada ata os 15.743, 945 máis que os rexistrados o martes. Deles, 3.130 corresponden á da Coruña; 1.178 á de Ferrol; 2.341 á de Lugo; 2.173 á de Ourense; 1.782 á de Pontevedra; 2.592 á de Santiago e 2.532 á de Vigo. O ascenso no número de contaxiados é xeneralizado en todas as áreas sanitarias, con 318 contaxiados máis na da Coruña; 270 na de Santiago; 283 na de Vigo; 182 na de Pontevedra; 258 na de Ourense, 296 na de Lugo e 117 máis na de Ferrol.
Por outra banda, segundo o último informe actualizado polo Ministerio de Sanidad este martes, adaptado ao novo sistema de vixilancia da covid-19 centrado en poboación vulnerable, a incidencia acumulada a 14 días en Galicia en maiores de 60 anos ascende a 1.183,74 casos por 100.000 habitantes, mentres que a media nacional se sitúa en 608,16. A taxa de positividade --número de PCR positivas por cada 100 realizadas-- aumenta en relación ao luns ata situarse nun 28,8%.
FALECIDOS
As vítimas da pandemia pola covid-19 en Galicia chegan as 3.333 despois de notificar a Consellería de Sanidade outros catro falecementos. En concreto, trátase dunha muller de 91 anos, que faleceu o 23 de abril na área sanitaria de Vigo; outros dous pacientes, que faleceron nas de Ferrol, unha muller de 96 anos, e na de Santiago-Barbanza, un home de 84 anos, estes o 25 de abril. A eles, súmase un home de 65 anos, na área sanitaria de Lugo-A Mariña-Monforte de Lemos, que faleceu o martes, día 26, e que como os demais presentaba patoloxías previas.
