A mellora da accesibilidade na N-651 será financiada pola Deputación da Coruña

A Deputación da Coruña financia o proxecto para a mellora da accesibilidade peonil e dos servizos na marxe dereita da estrada N-651, ao seu paso polo centro urbano de Cabanas.

O presidente provincial, Valentín González Formoso, e o alcalde de Cabanas, Carlos Ladra, asinaron este venres o acordo polo que a Deputación achegará 180.000 euros para o financiamento das obras, un 41% do orzamento total, que ascende a 437.130,59 euros.

Segundo explicou Carlos Ladra, o obxectivo desta obra é solucionar a problemática existente co tráfico peonil, derivada principalmente do estreita minto da estrada, que conecta Betanzos e Ferrol e que soporta un volume elevado de tráfico, ao seu paso polo centro urbano debido ás edificacións existentes, o que diminúe o espazo destinado para as beirarrúas.

O presidente da Deputación da Coruña, Valentín González Formoso, e o deputado de Emprego, José Ramón Rioboo, presentan as axudas do Plan de Emprego Local. TORRECILLA