Por E.P. | SANTIAGO DE COMPOSTELA | 19/05/2022 | Actualizada ás 09:56
Bombeiros do Consorcio Provincial Contraincendios e Salvamento da Coruña sufocaron na madrugada deste xoves un incendio que calcinou catro colectores no centro urbano do municipio coruñés de Vimianzo.
Segundo informaron os bombeiros, ás 1,05 horas deste xoves recibiron o aviso do 112 Galicia dun incendio nuns colectores á altura do número 10 da rúa Evaristo Martelo, en Vimianzo. O 112 Galicia indicoulles que ardían uns colectores e que había vehículos preto no centro urbano de Vimianzo. Por iso, saíron dúas dotacións de bombeiros para sufocar as chamas que quedaban, xa que os coches foran retirados a tempo.
Así, as mesmas fontes concretaron que os danos se limitaron aos catro colectores que quedaron calcinados por completo, sen afectar a nada máis, abundaron. Ademais dos bombeiros, foron mobilizados unha patrulla da Garda Civil e Protección Civil de Vimianzo. Ás 01,30 horas finalizou a intervención.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.