Morre un operario tras caer nunha obra en San Cibrao das Viñas

Un operario faleceu ao caer dunha altura de tres metros cando traballaba na reforma dunha casa no lugar de Rante, en San Cibrao das Viñas.

Segundo a informado o CIAE 112 Galicia, o suceso tivo lugar sobre as 17,45 horas, cando o home caeu dun dos alicerces que arman a estrutura da planta superior da edificación.

Tras iso, os xestores do Centro Integrado de Atención ás Emerxencias (CIAE) 112 Galicia pediron a intervención do persoal de Urxencias Sanitarias de Galicia-061, que non puideron facer nada por salvar a vida do home.

Ademais, o CIAE 112 avisou á Garda Civil, a Protección Civil e aos Bombeiros de San Cibrao das Viñas.

Traballadores de ambulancias do 061 | Fonte: xunta.gal