Dj's de toda Europa actúan na beira do Sil esta fin de semana

No 2013 nacía o Technosil, un festival de música electrónica que cun orzamento duns 6.000 euros logrou xuntar a importantes dj’s nacionais e internacionais en Ribas do Sil (San Clodio).

“Foi a primeira edición dun arriscado proxecto pero quedaron moitas ganas de continuar…” segundo nos conta Germán Álvarez, un dos promotores da idea e da continuidade deste evento xunto con José Manuel Álvarez e José Manuel Rodríguez. Así, pois, este ano apostouse forte e triplicouse o orzamento para darlle unha dimensión de Festival de referencia dentro da música techno a nivel de Galicia. De feito, o Technosil 2014 contará con máis e mellores artistas, máis capacidade, máis potencia de son e máis iluminación. 

Respecto aos artistas aumentouse o cartel a 17 dj’s, con ampla representación de galegos que suman doce e cinco cabezas de cartel de primeirísima liña: Uto Karem (Italia), Dosem (Barcelona), Filterheadz (Bruxelas), Gabriel D’or & Bordoy (Madrid) e Darkrow (Lugo).

Todo listo xa para que comece a vibrar co mellor techno a Praza do Concello de San Clodio (Ribas de Sil), que será o escenario desta segunda edición do Technosil baixo unha carpa con capacidade para unas 5.000 persoas. Dende a organización confirman zona de acampada con servizos básicos para todos os que pasen noite e servizo de seguridade para os dous días de Festival.

O prezo das entradas é de 20 euros con consumición para os dous días, que se quedará en 17 en venda anticipada.

Listaxe completa de artistas para este Festival Techno:

- Uto Karem (Italia)


- Dosem (Barcelona)


- Filterheadz (Bruxelas)


- Gabriel D’or & Bordoy (Madrid)


- Fernando Mesa (Lugo)


- Darkrow (Lugo)


- Óscar Vizcaíno (Lugo)


- Toni Llamas (Ponferrada)


- Beat Polar (Monforte)


- Mathias Álvarez (Vilagarcía)


- Elías (Quiroga)


- Maceda (Monforte)


- Brais Llano (Lugo).


- Carra (A Rúa).


- Dávila (Quiroga).


- Fraggle Row (Torbeo).


- Fro (Froxán).