Declaran extinguido o incendio forestal de Larouco que queimou 146 hectáreas

Permanece activo un incendio no parque natural do Invernadoiro, en Vilariño de Conso, con 10 hectáreas afectadas

Por Europa Press / Redacción | Ourense | 18/06/2022 | Actualizada ás 15:14

Comparte esta noticia

O incendio forestal rexistrado o pasado xoves na parroquia de Freixido, no concello ourensán de Larouco, quedou extinguido este sábado ás 12,55 horas, segundo confirmou a Consellería do Medio Rural. O lume calcinou un total de 146,42 hectáreas, das cales 70 foron de arboredo e o resto de monte raso.

Na súa extinción, participaron 21 axentes, 38 brigadas, 27 motobombas, dúas pas, dúas unidades técnicas de apoio, cinco helicópteros e dous avións.

Por outra banda, permanece activo un incendio no concello ourensán de Vilariño de Conso, na parroquia de Pradoalbar, que afecta o parque natural do Invernadoiro.

Segundo as últimas estimacións, a superficie afectada é de 10 hectáreas. Desde que se iniciou este incendio, ás 20,08 horas deste venres, traballan no seu control dous axentes, cinco brigadas, unha motobomba, tres helicópteros e dous avións.

Un helicóptero nun incendio forestal. MARTA VÁZQUEZ
Un helicóptero nun incendio forestal. MARTA VÁZQUEZ | Fonte: EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta