Por E.P. | SANTIAGO DE COMPOSTELA | 21/06/2022 | Actualizada ás 13:50
O impacto lateral entre dous coches en Santiago de Compostela este martes saldouse cunha persoa atrapada que foi rescata do interior dun dos vehículos por bombeiros. Segundo informou o 112 Galicia, este accidente produciuse ás 10,30 horas deste martes na estrada N-525, na poboación de Marrozos, en Santiago.
Tal e como explicou unha testemuña do accidente a través da súa comunicación co 112 Galicia, o golpe entre os dous coches produciuse polo lateral, o que deixou a unha persoa atrapada dentro.
Por iso, o persoal do Centro Integrado de Atención ás Emerxencias de Galicia solicitou a intervención dos Bombeiros de Santiago, ademais de Urxencias Sanitarias de Galicia-061 co fin de ofrecer á persoa ferida os primeiros coidados antes do seu traslado. Tamén foron informados axentes da Policía Local e da Garda Civil de Tráfico.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.