Estrella López, judoka: "É difícil facerse visible. Nin sendo medallista mundial abres un telexornal deportivo"

Estrella López leva practicando judo desde os tres anos. "A miña familia quixo inculcarme os valores deste deporte como parte da miña educación, e eu decidín seguir os pasos do meu irmán maior", recolle na biografía da web na que visibiliza todo o seu traballo. Hoxe, con 30 anos, López é judoka do equipo estatal e representa Galicia por todo o mundo. Vén de proclamarse terceira no Grand Slam de Xeorxia logo de gañar no 2020 a medalla de bronce no Campionato Europeo de Judo.

 

Estes resultados colócana no posto número 14 do ranking mundial e danlle confianza para enfrontar agora a clasificación olímpica de judo que comeza en xullo. "O meu soño deportivo non só é competir nuns Xogos Olímpicos, senón estar ao nivel para facer unha boa actuación. É algo para o que levo anos traballando", explica. Coa ollada posta tamén no Grand Prix de Zabreg en xullo e no Campionato do Mundo en agosto, Estrella López, que ademais é monitora e psicóloga, saca un oco para responder as preguntas de Galicia Confidencial. 

No 2020 gañaches a medalla de bronce no Campionato Europeo de Judo e agora vés de quedar terceira non Grand Slam de Xeorxia. Como o estás vivindo? Que significan estes logros para ti?

A medalla europea foi o meu maior logro. Foi a miña primeira medalla europea. Algo importante que aprendín é a gozar de cada vitoria. Esta medalla en Grand Slam é importante porque me fai iniciar este ciclo olímpico con confianza e situándome moi ben no ranking mundial.

Concretamente, non posto 14. Como foi ou teu camiño non mundo do judo ata chegar ata aquí? 

É difícil de resumir nunhas liñas. Empecei facendo judo como nena no colexio, e foi un hobby durante moito tempo. Engancheime á competición pronto. Foi un camiño precioso, aínda que con moitas fochancas. É difícil de explicar se non o vives desde dentro.

No Grand Slam estaban tamén Laura Martínez e Alberto Gaiteiro, os dous galegos. De que saúde goza ou judo en Galicia? 

Alberto e Laura son deportistas referentes en Galicia e en España. Boísimos! Alberto en concreto, olímpico. Galicia destaca a nivel nacional en Judo, temos unha Federación autonómica moi competente. Tamén hai un traballo moi ben feito desde os clubs.

En deportes maioritarios como, por exemplo, ou fútbol, vemos que as mulleres están conseguindo dar pasos na súa visibilización e na busca da igualdade. En cuestións de xénero, como ves a situación na túa disciplina? 

Ao ser un deporte minoritario, non contamos con visibilidade nos medios de comunicación. O mesmo que lle pasa ás mulleres nos deportes maioritarios. No caso do noso deporte existe igualdade entre homes e mulleres, de feito algo que me gusta moito é que adestramos xuntos. En canto a recursos económicos tamén contamos cos mesmos, poucos. De feito, o judo en España sempre destacou por uns resultados femininos moi bo e temos a sorte de contar con grandes referentes.

Como dis, o judo non goza de tanto espazo nos medios coma outros deportes. É difícil facerse visible? Que pensas que fai falta para que todos os deportes se proxecten e se recoñezan da mesma maneira, máis alá do fútbol ou do baloncesto? 

Que os medios de comunicación, prensa e televisión, se interesen. Que fagan que se coñeza o deporte e as historias persoais de cada deportista. Temos incribles deportistas en España que non alcanzan nin o soldo mínimo e que non abren un telexornal deportivo nin aínda que sexan medallas mundiais, interesa máis o novo peiteado de calquera deportista. A min dáme moita pena. Creo que o traballo non está ben feito. O traballo dos medios de comunicación é dar información.

Para rematar, Estrella. Cales son os teus próximos obxectivos e que agardas deles? 

Temos dúas semanas de concentración internacional en España, en Madrid e Alacante, moi importantes para nós para prácticar con xente de nivel e con outros tipos de loitas. A miña próxima competicion é o Grand Prix de Zagreb a mediados de xullo e o mundial a principios de outubro. A clasificación para os Xogos Olímpicos de París xa empezou, así que, son importantes. Desexádeme sorte!