Por E.P. | SANTIAGO DE COMPOSTELA | 18/07/2022 | Actualizada ás 13:23
Os profesionais de Urxencias Sanitarias 061 atenderon durante o pasado fin de semana a un total de 73 persoas que resultaron feridas en 62 accidentes de circulación rexistrados nas estradas galegas entre o venres e o domingo.
Segundo os datos facilitados este luns pola central de coordinación do 061, producíronse 81 chamadas entre as 15,00 horas do venres ás 23,59 horas do domingo para alertar de 62 sinistros viarios, a maioría concentrados nas provincias da Coruña e Pontevedra.
O sábado foi a xornada na que se produciron máis accidentes cun total de 24 sinistros. Un 61% das persoas atendidas foron homes e o 31% tiña idades comprendidas entre os 40 e os 54 anos.
Por provincias, 26 dos sinistros tiveron lugar na Coruña, 26 en Pontevedra, tres en Ourense e sete en Lugo. Nestes accidentes produciuse unha persoa falecida, 61 derivados a centros sanitarios e once atendidos no lugar do incidente.
En total, o 061 mobilizou 77 recursos sanitarios. Así, ambulancias asistenciais de soporte vital avanzado acudiron a 14 accidentes, as de soporte vital básico a 57 sinistros e os equipos de atención primaria das ambulancias asistenciais participaron en seis accidentes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.