Reaniman a un ciclista atopado inconsciente en Boiro grazas a intervención dun helicóptero medicalizado
Foi atopado incosnciente na beirarrúa.
Por Europa Press / Redacción | SANTIAGO DE COMPOSTELA | 29/07/2022 | Actualizada ás 11:21
Un ciclista tivo que ser reanimado coa axuda dun desfibrilador e dunha masaxe cardíaca despois de ser atopado inconsciente este xoves en Boiro.
Segundo informa o 112 Galicia, ocorreu ás 21,30 horas no lugar de Quinteiro-Reboredo, tal e como indicaron as persoas que o atoparon e, seguidamente, alertaron ao 112 Galicia para pedir axuda.
Así, o 112 activou un dispositivo co apoio dos bombeiros de Boiro e Protección Civil, no que interveu o 061, que chegou ao lugar a bordo do helicóptero medicalizado con base en Santiago.
Segundo inficaron os profesionais cando chegaron ao lugar dos feitos, o home entrara en parada cardiorrespiratoria. A aeronave, coa axuda das forzas de seguridade mobilizadas --Policía Local e Garda Civil--, puido aterrar á beira do ciclista.
