Familias novas, con nenos e con traballos temporais, perfil actual dos usuarios de Cáritas
"Entre un 50% ou 60%" de persoas en risco de exclusión son inmigrantes.
Por Europa Press / Redacción | Santiago de Compostela | 04/08/2022 | Actualizada ás 14:01
O prototipo de usuarios que acoden a Cáritas mudou. "Neste momento, son familias novas e con nenos, con traballos temporais e ás veces en economía somerxida", segundo a directora de Cáritas Interparroquial A Coruña, Pilar Farjas.
"A pandemia agravou substancialmente a situación e agora súmase a nova crise económica provocada polo encarecemento de subministracións básicas de enerxía e gas", explicou.
Farjas destacou que "entre un 50% ou 60%" das familias en risco de exclusión son inmigrantes, "en moitos casos en proceso de regularización da súa situación administrativa".
A entidade realiza labores de acompañamento para "atender as súas necesidades básicas" --subministración de luz, gas, alimentos ou axudas de emerxencia social-- e para "facilitar a súa formación para a inserción laboral".
