Por Galicia Confidencial | Miño | 12/08/2022 | Actualizada ás 10:43
O SEPRONA (Servizo de Protección da Natureza) da Comandancia da Coruña investigou a un veciño de Miño como presunto autor dun delito de malos tratos animais.
Os feitos ocorreron o pasado mes de outubro de 2021 cando o agora investigado, abandonou a vivenda que tiña alugada cunha cadela no seu interior sen dar a viso a ningunha persoa para que se fixese cargo da mesma.
O SEPRONA iniciou unha investigación tras o comunicado recibido por parte da empresa de laceria de Abegondo encargada da retirada do cadáver do animal e da realización da necropsia, dando como resultado que a cadela presentaba un cadro de desnutrición severa, sendo a causa da morte un fallo multiorganico por inanición prolongada.
Tras múltiples xestións a Garda Civil localizou ao propietario do animal procedendo á súa investigación como presunto autor dun delito de malos tratos animais, as dilixencias instruídas foron postas a disposición do Xulgado de Betanzos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.