CCOO tamén se suma as críticas da CIG

Ó igual que xa fixo CIG-Administración, tamén CCOO convoca unha concentración de delegados diante da sede da Xunta de Galicia para o vindeiro 14 de novembro, en defensa dos servizos públicos, e contra a externalización ou privatización destes servizos

Por Galicia Confidencial | Galicia | 23/10/2007 | Actualizada ás 11:10

Na conferencia de prensa participaron o secretario xeral do Sindicato Nacional, Xan María Castro; o secretario xeral da Federación de Servizos e Administracións Públicas (FSAP-CCOO), Carlos Pardo; o secretario de Acción Sindical, Xaime López Golpe; e María Xesús Fernández e Marcos Luaña polas federacións do Ensino e de Sanidade respectivamente.

Na súa intervención, Xan María Castro expresou a «preocupación» da organización sindical «ante as iniciativas privatizadoras que está adoptando a Xunta de Galicia» en diferentes ámbitos, entre os que citou o servizo de extinción de incendios, os servizos sociais, o ensino ou a sanidade eido este último no que, porén, se felicitou pola integración das fundacións sanitarias no sistema público.

O secretario xeral de CCOO de Galicia tamén se mostrou preocupado polas fórmulas de contratación en determinados servizos que externalizou total ou parcialmente a Xunta de Galicia, como as 'galescolas' ou os servizos de extinción, nos que os contratos por obra substitúen os indefinidos. Isto constitúe unha contradición co pactado no proceso de Diálogo Social, no que as Administracións públicas se comprometen a fomentar o emprego estable.

Pola súa parte, Carlos Pardo criticou que os actuais socios de goberno na Xunta manteñan unha rede clientelar similar á dos seus predecesores, alimentando unha «administración paralela» que non redunda nunha flexibilidade ou redución de custos nin nun mellor funcionamento ao servizo da cidadanía.

Coa campaña e os seus actos reivindicativos, CCOO pretende «concienciar a cidadanía sobre os graves riscos» que a situación implica, tanto desde o punto de vista do funcionamento destes servizos como desde a repercusión económica. Para o secretario xeral da FSAP-CCOO, «cómpre chegar a un gran pacto coa Administración sobre que servizos, que entendemos como esenciais, deben continuar sendo de xestión pública e cales se podería estudar que concorresen no mercado».

8 Manuel

Cando Quintana esplicaba que o BNG non era un partido de ezquerda refeririase a esto.

7 GALIZA EN VENTA

¿ Os gobernos de esquerdas son os qie soen apoia-lo sector público, nonsí?
¡Quen vos viu e quen vos ve! Ides deixar curto ó PP coa creación de novas redes clientelares en apenas dous anos!!!
Que volva Manolita e Pilar Rojo, por favor!

6 anónimo

se o bipartito non cambia de rumbo ... non hai outra saída... nas xerais VOTO EN BRANCO A MOGOLLÓN.

5 anxo

estou de acordo luisa

4 luisa pereira

sr. xornapebo, no eido da educación infantil existían ata o de agora e ainda seguen existindo:
- as garderías infantís da xunta con xestión publica e persoal propio dependente directamente da administración
- os "PAI" xestionados por algúns concellos con persoal dependente das entidades locais correspondentes.

¿non sería mellor, máis transparente, etc., etc. que haxa unha única REDE PÚBLICA de GARDERIAS INFANTÍS xestionadas pola administración autonómica e con persoal dependente DIRECTA e EXCLUSIVAMENTE da administración e con xestión DIRECTA da propia administración autonómica?

pode que vostede entenda que como "algo que non existía, como son as galescolas", non é unha privatización ... enfín ... alá vostede coa sua apreciación partidista.

eu o que estou convencido é que é a EXTERNALIZACIÓN dun SERVICIO BÁSICO que, ó meu entender, agocha, coma nas demáis externalizacións ou privatizacións, varias cuestións importantes a ter en conta:
1ª.- a sua xestión administrativa, financiera, etc., etc., fuxe dos controis rigurosos ós que están sometidos as administracións públicas e a xestión dos servicios dependnetes delas directamente.
2º.- a selección do persoal vaina realizar unha empresa privada (cobrando pingues beneficios seguramente)e con criterios que, polo que se leva feito xa en SEAGASA, etc., serán probablemente clientelares e subxectivos (entrevistiña incluída).
3º.- PRECARIZACIÓN LABORAL.

estas cuestións, non as digo eu, son premisas e afirmacións documentadas polo profesor Carlos Amoedo Souto (actual secretario xeral da consellería de cultura) que teorizou sobre estes entes aló polo 2004 cando publicou o libro: "TRAGSA: MEDIOS PROPIOS DE LA ADMINISTRACION Y HUIDA DEL DERECHO ADMINISTRATIVO" ou tamén nun articuliño moi interesante que publicou no Anuario da Universidade de Dereito de A Coruña, titulado: "LA PRECARIZACIÓN LABORAL DEL PERSONAL AL SERVICIO DE LAS ADMINISTRACIONES PUBLICAS MEDIANTE LA UTILIZACIÓN DE >. EL CASO DE TRAGSA"

en politica, como en tódalas actividades humáns, cando se escriben as reflexións, éstas perduran no tempo e resaltan as incoherencias políticas dalgúns que na oposición dicián ¡¡¡negro!!! e agora no goberno dín ¡¡¡branco!!!