Por E.P. | SANTIAGO DE COMPOSTELA | 24/08/2022 | Actualizada ás 18:11
O Instituto Tecnolóxico de Galicia (ITG) acaba de lanzar unha nova spin-off "coa fin de avanzar e dar resposta ás necesidades do sector dos drons", indica. A nova empresa, denominada ITG Drone Solutions, "nace para achegar ao mercado as solucións tecnolóxicas creadas polo equipo de enxeñaría de sensores e drons do centro, nunha contorna de demanda crecente do sector".
En concreto, explica que ofrece solucións ás necesidades de autonomía e automatización no mercado dos drones. Segundo David Vázquez González, director de desenvolvemento de negocio de ITG Drone Solutions, "xurdiron unha enorme cantidade de operadores de UAVs que xestionan as súas frotas de forma manual, limitados, ademais, polas propias restricións dos aparellos".
"Chegamos para achegar ferramentas que permiten axilizar as operacións e reducir os enormes custos operativos aos que se enfrontan os profesionais de aparellos non tripulados de todo o mundo", apunta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.