Iberdrola busca limpar a súa imaxe en Galicia repoboando bosques
Ofrécese a replantar o monte de Cerdedo-Cotobade.
Por E.P. | SANTIAGO DE COMPOSTELA | 30/08/2022 | Actualizada ás 11:45
Iberdrola reforestará catro municipios de Castela e León, Galicia e Cantabria dentro do proxecto 'Bosque busca pueblo', no que a eléctrica se encarga de impulsar a recuperación de espazos naturais a través da conversión en bosques de terreos queimados ou baldíos, o desenvolvemento de emprego e da rexión, informou a compañía.
En concreto, o catro pobos elixidos para a iniciativa son Muelas del Pan e San Cebrián de Castro, ambos en Zamora; Cerdedo-Cotobade, en Pontevedra; e Liérganes, en Cantabria. Todo despois de impulsar múltiples proxectos eólicos denunciados pola veciñanza porque consideran que os están a expulsar da zona na que viven.
En conxunto, unhas 230 hectáreas serán sementadas con drons e sementes intelixentes a través do programa internacional de 'startups' da enerxética -Perseo- da man de CO2 Revolution, firma especializada en medir a pegada de carbono e en axudar a compensala a través de proxectos de reforestación.
Iberdrola levará a cabo a plantación de máis de 270.000 árbores de especies autóctonas e garantirá que se orixinen ecosistemas enteiros que fomenten a biodiversidade. Ademais, sementaranse plantas arbustivas, aromáticas e florais de todos os estratos da capa vexetal.
