O DOG publica este luns a lista cos aspirantes a cubrir as 106 prazas de especialistas en atención primaria
O persoal prestará servizo en prazas de centros de saúda coa cota de pacientes asignados e cun máximo de dúas gardas ao mes.
Por E.P. | SANTIAGO DE COMPOSTELA | 02/09/2022 | Actualizada ás 17:44
O Diario Oficial de Galicia publicará este próximo luns, 5 de setembro, a resolución coa puntuación definitiva do proceso selectivo, a diario de concurso, para o acceso como persoal fixo á categoría de facultativo especialista de atención primaria, así como os aspirantes seleccionados.
Lembran nun comunicado que esta categoría de facultativo/a especialista de atención primaria foi creada como parte do colectivo profesional do persoal médico de familia, pola Lei 18/2021, do 27 de decembro, de medidas fiscais e administrativas, coa previsión dun proceso selectivo pioneiro no sector mediante concurso de méritos.
Así, o proceso xa encara a súa fase final coa incorporación prevista para o mes de setembro. O persoal tomará posesión en prazas básicas que comportan a prestación de servizos en prazas de centros de saúde coa súa cota de pacientes asignados, así como tamén un máximo de dous gardas ao mes na PAC que se determinan.
Dos 106 aspirantes seleccionados, 13 accederon pola quenda de promoción interna e seis pola quenda de discapacidade xeral. O resto de prazas cubriranse pola quenda libre (86), xa que ás 73 ofertadas desta forma engádense as non cubertas pola quenda de promoción interna (14).
