Por Europa Press / Redacción | SANTIAGO DE COMPOSTELA | 08/09/2022 | Actualizada ás 18:19
O colectivo conformado por familiares, voluntarios e afectados pola Esclerose Lateral Amiotrófica (ELA), COMPOSTELA, comeza unha nova peregrinación cara a Santiago co obxectivo de dar "a maior visibilidade posible a unha enfermidade que, a día de hoxe, segue sen cura", lamenta Maty Alvarín, unha das integrantes do grupo.
Levan anos facendo unha peregrinación como a que este xoves arrincaba desde o municipio lucense de Sarria. En total, son unha vintena de camiñantes dos cales catro padecen ELA. "Ita, Dabiz, Rosa e Dani van en cadeira de rodas e o resto imos acompañándolles e empuxándolles", conta esta monfortina. Cada un deles está afectado dunha forma diferente pola enfermidade, pero todos comparten a redución de mobilidade.
En canto a facer a Ruta Xacobea en cadeira de rodas, ComspotELA denuncia a falta de previsión e adecuación dos camiños para persoas que non poden camiñar. Maty explica que "ás veces é moi dificultoso avanzar con eles porque hai partes do camiño moi complicadas", di.
Calcula que chegarán o vindeiro martes, día 13, a Santiago para facerse coa compostelá. A pesar de que non son novos no camiño, aterrarán na capital galega coa esperanza de que estes quilómetros axuden a arroxar luz sobre as persoas que padecen unha enfermidade dexenerativa que aínda non "atopou cura".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.