Os Franco volven poñer á venda a Casa Cornide tras ofrecela a 3,5 millóns hai dous anos

BNG e Marea Atlántica pídenlle ao Concello que presente xa a demanda para recuperala.

Por Europa Press / Redacción | A CORUÑA | 13/09/2022 | Actualizada ás 17:17

Comparte esta noticia

A familia Franco volveu a poñer á venda a Casa Cornide, na Coruña, sobre a que o concello herculino anunciou a presentación dunha demanda para a súa recuperación ao patrimonio público.

Na web do portal inmobiliario, e despois de que con anterioridade xa estivese noutro por 3,5 millóns, publicitana como unha "exclusiva propiedade do ano 1900, reformada en 1964 e en 2018" e explícase todas as plantas das que está integrada, así como que consta de 11 habitacións, 13 baños e unha superficie total de 1.430 metros cadrados.

Desde o grupo municipal do BNG mostraron o seu "asombro" porque se puxo de novo á venda un palacete que "foi sede do Concello da Coruña e que foi expoliado pola ditadura franquista". Poe outra parte, urxe á presentación da demanda para recuperar a titularidade dun ben "que por elemental xustiza histórica debe reintegrarse ao patrimonio do concello".

"Non se están cumprindo os preceptos da incoación do procedemento para catalogar a Casa Cornide como BIC", engade tamén apuntando, entre outras cuestións, ao inventariado dos obxectos que contén.

Desde a Marea Atlántica instan o goberno local a iniciar "dunha vez" a vía xudicial, como se fixo, lembran, para "recuperar" o Pazo de Meirás. Tamén piden á Xunta que "acelere os trámites para declarala Ben de Interese Cultural".

Respecto diso, incide en que hai "probas suficientes do valor histórico e patrimonial da Casa Cornide e de que foi entregada aos Franco en fraude de lei". "Pero no últimos tres anos, non se deu ningún avance para recuperar para o público a casa natal do humanista José Cornide".

Protesta ante a Casa Cornide para reclamar a súa devolució
Protesta ante a Casa Cornide para reclamar a súa devolució | Fonte: M. Dylan - Europa Press - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta