Por Europa Press / Redacción | SANTIAGO DE COMPOSTELA | 05/10/2022 | Actualizada ás 20:06
O portavoz do PP no Concello de Oroso, Alexander Doval, cuestionou a presenza de membros de Protección Civil na fista dos socialistas de Galicia celebrada o pasado sábado 1 de outubro na área recreativa da Penateixa.
Para os populares, é "grave" que o servizo de Protección Civil actúe nun "acto privado", en referencia á festa do PSdeG, "moito máis se iso supón deixar sen atender unha festa tan importante no municipio como é o da Senra".
Respecto diso, os populares indicaron que por parte da Comisión de Festas de Senra confirmaron que, semanas antes, solicitaran por escrito no rexistro municipal a presenza de Protección Civil durante os tres días que duraba a festa, como outros anos.
Na festa socialista estaba inicialmente prevista a presenza do presidente do Goberno, Pedro Sánchez, pero tivo que anulala por seguir sendo positivo por covid naquel momento. Acudiu, con todo, a ministra Pilar Alegría.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.