A Xunta segue facilitando a caza en Galicia
Elimina a través da lei de acompañamento a obriga de que as espreitas na caza se fagan con garda ou guía
Por Europa Press / Redacción | SANTIAGO DE COMPOSTELA | 21/10/2022 | Actualizada ás 12:50
A lei de acompañamento aos orzamentos de 2023 elimina a obrigación de que as espreitas na caza se fagan cun garda ou guía, excepto nos parques naturais.
Así o recolle a norma de medidas fiscais e administrativas que entrou este xoves no Parlamento xunto ao proxecto de orzamentos, e que cada ano serve á Xunta para modificar multitude de leis reducindo os prazos e o debate.
En concreto, esta modificación referida á lei de caza de Galicia elimina a obrigación imposta ata agora "con carácter xeral" de que os espreitas se practicasen coa axuda dun garda ou guía.
Este requisito mantense agora "unicamente para os parques naturais integrados na rede de parques naturais de Galicia, nos terreos cinexéticos en réxime común e para os terreos cinexéticos en réxime especial nos que a titularidade cinexética corresponda á comunidade autónoma", recolle a norma.
Deste xeito, a espreita queda definida como a modalidade "practicada por unha soa persoa cazadora que de forma activa e a pé efectúa a procura, seguimento e aproximación á peza de caza maior co fin de capturala".
