A Deputación de Ourense pecha 'eID4Spain20', un proxecto para facilitar o acceso da cidadanía ao goberno provincial
Tras 18 meses de traballo, a pasada semana tivo lugar unha reunión de validación dos proxectos na que se deu a aprobación á implementación levada a cabo por parte do goberno provincial.
Por E.P. | OURENSE | 30/10/2022 | Actualizada ás 18:03
A Deputación de Ourense, a través da área de Transparencia de Goberno Aberto, finalizou o proxecto 'eID4Spain20', que ten como obxectivo facilitar a toda a cidadanía e ás empresas da Unión Europea o acceso aos servizos públicos dixitais que ofrece a institución provincial e que concluíu este mes.
Segundo trasladou a propia institución, o presidente, Manuel Baltar, enmarcou este proxecto dentro da "aposta pola loita contra a fenda dixital e o emprego das novas tecnoloxías para facilitar as relacións da cidadanía coa administración", un compromiso "básico" do goberno provincial, destacou, con "fitos" como a Mobile Week Ourense e outras iniciativas desenvolvidas ao redor da administración dixital.
En concreto, a Deputación sinalou que esta iniciativa conectou os servizos electrónicos públicos de tres administracións españolas e rexionais --Deputación de Ourense, o Ajuntament de Torrent e o Concello de Alcobendas-- ao nodo eIDAS español, vía Cl@ve 2.0, para habilitar a autenticación transfronteiriza cumprindo co regulamento eIDAS.
Con isto, os cidadáns europeos que desexen realizar trámites a través dos portais da administración electrónica da Deputación poderán identificarse de maneira dixital cos seus certificados emitidos nos seus países de orixe.
Tras 18 meses de traballo, a pasada semana tivo lugar unha reunión de validación dos proxectos na que se deu a aprobación á implementación levada a cabo por parte do goberno provincial.
