Máis de 160.000 galegos descargaron o 'Bono Activa Comercio'
Teñen ata o 31 de decembro para realizar as súas compras nalgún dos 6.200 establecementos adheridos á iniciativa
Por Europa Press / Redacción | SANTIAGO DE COMPOSTELA | 15/11/2022 | Actualizada ás 17:19
O 'Bono Activa Comercio' da Xunta mobilizou case 5 millóns de euros en vendas no comercio de proximidade galego, segundo os datos do Goberno galego.
Ata a data, segundo apunta, adheríronse á iniciativa máis de 6.200 establecementos "e esta cifra pode seguir aumentando" xa que os comerciantes poden sumarse ata o 30 de novembro.
A Administración autonómica ingresou aos negocios participantes case 1 millón de euros correspondentes aos bonos xa utilizados polos clientes.
Máis de 166.000 consumidores de toda Galicia descargaron todos os descontos de 30 euros dispoñibles a través deste programa e teñen agora ata o 31 de decembro para realizar as súas compras.
